2 Mart 2022
1141
"ART DAY" MADANIY KO'NGILOCHAR TADBIRI TASHKIL ETILDI.
Joriy yilning 25-fevral kuni, talabalarning bo'sh vaqtini mazmunli tashkil etish va san'atga bo'lgan qiziqishlarini oshirish maqsadida, bizning insitutimizda "Art Day" madaniy ko'ngilochar tadbiri tashkil etildi. Unda institut talabalari, O'zbekiston davlat san'at instituti, O'zbekiston davlat konservatoriyasi, O'zbekiston davlat xoreografiyasi akademiyasi, Yunus Rajabiy nomidagi o'zbek milliy musiqa san'ati instituti hamda Kamoliddin Behzod nomidagi milliy rassomchilik va dizayn instituti talabalari ishtirok etdilar.
Tadbir ishtirokchilari dastur davomida, ananaviy xonandalik, parodiya va taqlid, opera, estrada, lezginka raqsi, zamonaviy raqs, maqom va boshqa yo'nalishlarda o'z iste'dodlarini namoyish etdilar.
Tadbir ko'tarinki ruhda tashkil etildi va yakunda barcha faol ishtirokchilar sertifikat bilan taqdirlandi.
