Joriy yilning 26 mart sanasida O`zbekiston Respublikasi Prezidentining 09.02.2021 yildagi PQ-6165-son “O`zbekiston Respublikasida ichki va ziyorat turizmini yanada rivojlantirish chora-tadbirlari to`g`risida”gi qarori ijrosi doirasida O‘zbekiston Respublikasida ichki turizm salohiyatini rivojlantirish maqsadida Toshkentdagi Singapur menejmentni rivojlantirish instituti xodimlari uchun Biznes va turizmni rivojlantirish bo`limi tashkilotchiligida korporativ tur uyushtirildi.

Mazkur tur doirasida TSMRI xodimlari Xazrati Imom majmuasi va Abdulla Qodiriy memorial muzeyiga tashrif buyurildi. Tur davomida Biznes va turizmni rivojlantirish bo‘limi yetakchi mutaxassisi Dilzoda Mirzayeva tarixiy obyektlar to`g`risida  xodimlarni qiziqarli ma’lumotlar bilan tanishtirib bordi.

Ushbu tadbirning asosiy maqsadi nafaqat ishtirokchilarni Toshkentning tarixiy-madaniy merosi bilan tanishtirish, balki TSMRI xodimlari o`rtasida aloqalarni yaxshilash edi.

Safardan so`ng ishtirokchilar tashkilotchilarga ushbu turni esda qolarli qilib o`tkazish imkoniyati uchun o`z minnatdorchiliklarini bildirishdi.