Joriy yilning 17-mart sanasida Toshkent shahridagi Singapur menejmentni rivojlantirish institutida ham joriy tadbir tashkil etildi. Unda Imom Moturidiy xalqaro tadqiqot markazi, bo`lim boshlig`i Faxriddinov Zafar Xayriddinovich ishtirok etdi.

Uchrashuvda bugungi kunda mamlakatimizda diniy bag‘rikenglik hamda vijdon erkinligiga berilayotgan e’tibor va bu yo`nalishlarda amalga oshirilayotgan islohotlar, yoshlar orasida radikalistik va ekstremistik g`oyalarning yoyilishiga qarshi kurashish va targ`ibot yo`nalishida soha olimlari tomonidan qator salmoqli ishlar amalga oshirib kelinayotgani ta’kidlandi. Talabalarga bugungi kunda internet madaniyatiga rioya qilish va diniy ma`lumotlarni olishda ishonchli manbalardan foydalanish lozimligi eslatib o`tildi. Bundan tashqari, tadbirda ishtirok etgan talabalar ham mavzu doirasi o‘zlarini qiziqtirgan ko‘plab dolzarb savollarga javob olishdi.