"Yozgi sayohat-2023" dasturi ishtirokchilari Singapur menejmentni rivojlantirish instituti (Singapur Respublikasi)da tahsil oladigan talabalar bilan rasmiy uchrashuvda ishtirok etishdi. Unda SMRI prezidenti Dr. Erik Kuan, vitse-prezident janob Chua Chen Xau, professor-o‘qituvchilar hamda xodimlar ishtirok etishdi. E’tiborli tomoni, ushbu uchrashuvda O‘zbekiston Respublikasining Singapur Respublikasidagi favqulodda va muxtor elchisi Shokirov Qahramon Abdug‘aniyevich ham ishtirok etdi.

Uchrashuv davomida "Yozgi sayohat-2023" dasturi ishtirokchilari mamlakatimiz haqidagi ma’lumotlarni taqdimot shaklida namoyish etishdi. Dastur davomida milliy urf-odatlarimizga xos "Kim oladi" o‘yini tashkillashtirilib, unda mahalliy talabalar ham ishtirok etishdi. Taqdimot so‘ngida faol ishtirok etganlarga milliyligimiz aks etgan esdalik sovg‘alari ulashildi.

E’tiborga molik jihati, ushbu chiqishlar yig‘ilganlarda unutilmas taassurot uyg‘otdi.

O'z navbatida, O'zbekistonning

Singapur Respublikasidagi favqulodda va muxtor elchisi Shokirov Qahramon Abdug‘aniyevichga ahil jamoamiz nomidan cheksiz minnatdorchiligimizni bildiramiz.